Kærkominn styrkur frá Góða hirðinum

Jólastyrkveiting Góða hirðisins fór fram þann 19. desember í versluninni, Fellsmúla 28 og hlaut MS-félag Íslands styrk að fjárhæð kr. 750.000, en samtals var 18,5 milljónum úthlutað til 22 verkefna.

FRÁBÆR JÓLAGJÖF FRÁ ELKO

ELKO styrkir góðgerðarsamtök í aðdraganda jólanna. MS-félagið fékk afhenta afar rausnarlega tækjagjöf í morgun frá fyrirtækinu.

HELGI SELJAN LÁTINN

Helgi Seljan, fyrrverandi alþingismaður og heiðursfélagi MS-félagsins, er látinn, 85 ára að aldri.

Styrkur til félagsins

Kvenfélag Garðabæjar veitti MS-félaginu rausnarlegan styrk á árlegum jólafundi sínum þann 3. desember s.l.

Lausn krossgátu og vinningshafi

Dregið hefur verið úr innsendum réttum lausnum krossgátu í 2. tbl. MS-blaðsins 2019.
Lausnarorðið er “JAFNVÆGI”

Var prinsessan á bauninni með MS? Ósýnileg einkenni MS

Mikil og góð viðbrögð hafa verið við greininni „Var prinsessan á bauninni með MS? Ósýnileg einkenni MS“ sem birtist í MS-blaðinu á dögunum. Innihald greinarinnar virðist hafa opnað augu margra og skapað umræður milli para og innan fjölskyldunnar.

Jólaball MS-félagsins 2019

Árlegt jólaball MS-félagsins verður haldið laugardaginn 7. desember n.k. kl. 14-16 í Safnaðarheimili Grensáskirkju. Aðgangur ókeypis en skráning nauðsynleg.

Krossgáta MS-blaðsins: Lokadagur 30. nóvember 2019

Í MS-blaðinu sem sent var til félagsmanna í haust er að finna verðlaunakrossgátu. Í krossgátunni er að finna lausnarorð – málshátt – sem verðlaun verða veitt fyrir lausn á. Verðlaunin eru ekki af verri endanum – dagatal MS-félagsins fyrir árið 2020 með myndum Eddu Heiðrúnar Backman.

Kósý jólastemming og kransagerð

Senn líður að jólum. Við ætlum að hafa kósý jólastemmingu fyrir félagsmenn í skammdeginu miðvikudaginn 27. nóvember kl. 17-19.
Hægt verður að búa til einfaldan grenikrans (efniskostnaður kr. 3000/skraut ekki innifalið), hlusta á jólalög eða bara spjalla saman og gæða sér á heitu súkkulaði og smákökum.